Բարձրորակ բետոն ձեր շինարարական նախագծերի համար

M-100

B7.5

M100 / B7.5 Առավել հաճախ այս տեսակի խառնուրդն օգտագործվում է նախապատրաստական ​​աշխատանքների, այդ թվում՝ հիմքի նախահարթեցման համար, երբ բետոնը բարակ շերտով անմիջապես լցնում են ավազի շերտի վրա։ Խառնուրդն օգտագործվում է նաև ստորգետնյա խողովակաշարերը կայունացնելիս կամ որպես չոր հենարան ճանապարհի եզրաքարերը տեղադրելիս։ Բետոնը լայն կիրառություն ունի՝ ի շնորհիվ ցածր արժեքի և ամրանալու երկար ժամկետի, ինչը դյուրին է դարձնում դրա հետ աշխատանքը։

M-150

B12.5

M150 / B12.5 Այս խառնուրդը նպատակահարմար է նախապատրաստական ​​ցիկլի մի շարք շինարարական աշխատանքների արագ իրականացման համար։ Խառնուրդն օգտագործվում է առավելապես բնակարանների հատակների հարթեցման, արահետների և այլ փոքր ծավալով ընդհանուր օգտագործման օբյեկտների (զրուցարաններ, սյուներ, նստարաններ) կառուցման համար: Պատվիրատուի պահանջներին համապատասխան հնարավոր է փոփոխել իներտ նյութերի հարաբերակցությունը:

M-200

B15

M200 / B15 Խառնուրդն ունի կիրառման լայն շրջանակ: Այն ունի օպտիմալ խտություն և ջրակայունություն և օգտագործվում է ոչ կրիտիկական ծանրաբեռնվածություն ունեցող հատվածներում: Լայն կիրառում ունի լանդշաֆտային աշխատանքներ կատարելիս՝ արահետներ, մայթեզրեր։ Կիրառվում է նաև միջսենյակային պատեր, հորեր, ցանկապատեր, աստիճանավանդակներ կառուցելիս։

M-250

B20

M250 / B20 Այս դասի պատրաստի բետոնը լայնորեն օգտագործվում է արդյունաբերական և բնակելի/առևտրային շենքերի շինարարության մեջ: Այն հաճախ օգտագործվում է բնակավայրերի կառուցապատման նախագծերում, օրինակ՝ շենքի հիմքեր, կայանատեղիներ, մայթեր, բակեր, կոյուղու և ջրի հորերի երկաթբետոնե օղակներ և այլն: Այս տեսակի բետոնն իդեալական ընտրություն է տարբեր շինարարական նախագծերի համար, քանի որ ունի բավականաչափ ամրություն և համեմատաբար մատչելի արժեք:

M-300

B22.5

M300/B22.5 Բետոնի այս կազմը ունի բարձր ամրություն և սառցադիմացկունություն․ այն կարող է դիմակայել սառեցման և հալման 150 ցիկլերի: Ջրամեկուսացում շատ դեպքերում չի պահանջվում, քանի որ կարծրանալուց հետո զանգվածը դառնում է անջրանցիկ։ Ի շնորհիվ իր հատկանիշների՝ լայնորեն կիրառվում է բարձրահարկ շինարարություն իրականացնելիս (շինությունների երկաթբետոնե կոնստրուկցիաները լիցքավորելիս, կրող պատեր կառուցելիս և այլն)։

M-350

B25

M350/B25 Այս տեսակի խառնուրդով ստացված բետոնը ջուր չի կլանում, ուստի այն ջրամեկուսացման կարիք չունի: Խառնուրդն օգտագործվում է հիդրոտեխնիկական կառույցների կառուցման համար։ Այն համարվում է ունիվերսալ, դիմացկուն: Այն լայնորեն կիրառվում է հիմքերի և հենապատերի կառուցման համար՝ ապահովելով կայունություն և երկարակեցություն:

M-400

B35

M350/B30 Այն սովորաբար օգտագործվում է բարդ նախագծերում, օրինակ՝ կամուրջների, մայրուղիների և արդյունաբերական գործարանների կառուցման ժամանակ: Այս տեսակի բետոնի բացառիկ ուժն ու ամրությունը դարձնում են այն օգտագործելի հատուկ ամուրություն պահանջող շինությունների կառուցման ժամանակ: